Shkrime per Presidentin

Portreti i Presidentit Sejdiu në gazetën egjiptiane "Al Hajat"

Kajro, 22 maj - Gazeta egjiptiane "Al Hajat" (Jeta) e datës 18.05.2008, në rubrikën e saj "Nga personalitetet e mendimit bashëkohor shqiptar", shkruar nga Beqir Ismaili, i kushtoi vëmendje të veçantë Dr.Fatmir Sejdiut, President i Kosovës, në shërbim të Kosovës dhe popullit të saj të lashtë. Ndër të tjera gazeta thekson: "Kosova është vend me kulturë të lashtë e të lavdishme që në shekuj ka nxjerrë shembuj të individëve të veçantë, personalitete të pakrahasueshëm e largpamës, udhëheqës të lëvizjes popullore shqiptare për triumf, lavdi dhe vetëbesim, dinjitet dhe pishtarë ndriçues në rrugën për liri, derisa më në fund, Kosova arriti të finalizonte statusin e saj. Këto modele të shkëlqyera të figurave të udhëheqësve të Kosovës, ndikuan drejtpërdrejt në të gjitha fushat, atë historike, kulturore, politike, intelektuale, ekonomike etj., të saj. Ishte pikërisht shembulli i këtyre liderëve model, të cilët punuan me përkushtim, dashuri, sinqeritet dhe devotshmëri, mbi parimet e ngritjes, lartësimit të Kosovës dhe arritjeve së saj, deri tek shteti i lirë, i pavarur dhe sovran me të drejtën ligjore të pjesëmarrjes në të gjitha reformat e shteteve të botës, për zhvillim në shkallë të barabartë. Nga këto modele të madhërishëm, që i vlerëson e gjithë bota dhe në veçanti populli i Kosovës, është dhe Dr.Fatmir Sejdiu, President i Republikës së Kosovës, i cili gjithmonë, që nga momenti i besueshmërisë së postit të Presidencës së Kosovës, ka punuar dhe menduar me qëndrueshmëri dhe përkujdes, për prosperitetin e vendit të tij, për ta ngritur atë në shkallët më të larta të zhvillimit dhe përparimit. Pikërisht për të gjitha këto vlera që përçon lidershipi i tyre, për ndjenjat e larta të atdhedashurisë, devotshmërisë në punë dhe shpirtit të sakrificës, populli i Kosovës, me konsideratë dhe rrespekt të veçantë, e ka mandatuar atë si President të vendit. Dr.Sejdiu është njëri prej liderëve dhe udhëheqëve më të mëdhenj bashkëkohorë, njëri prej atyre të cilët, kanë ndryshuar rrjedhën e historisë së Kosovës në kohën tonë. Puna titanike që ai dhe partia e tij, në bashkëpunim të ngushtë me Partinë Demokratike, me në krye udhëheqësin e saj, sot Kryeministër, Hashim Thaçi, bënë që të arrihej, nëpërmjet negoiciatave, zgjidhja përfundimtare e çështjes së Kosovës dhe zgjidhej përfundimisht, në përputhje dhe pajtueshmëri me të drejtat e popullit Kosovar, realizimi i lirisë dhe pavarësisë. Dr. Fatmir Sejdiu, ka lindur më 1951 në Pakashticë, komuna e Podujevës, në Kosovë. Shkollën fillore dhe të mesme e kreu në Podujevë. Më pas, në 1974, regjistrohet në Universitetin e Prishtinës, ku diplomohet në Fakultetin e Drejtësisë. Po këtu, vazhdon studimet pasuniversitare, ku dhe mbron titullin, Doktor i Shkencave. Gjithmonë në kërkim të dijes, studjoi dhe kreu specializime të ndryshme në shumë vende, derisa arriti përgatitje të larta shkencore. Gjatë gjithë kohës, që nga përfundimi i studimeve universitare e deri tek marrja e gradave të ndryshme shkenore, ai shkruan artikuj të ndryshëm, me ide tërheqëse, që kanë në themelin e tyre drejtësinë, jurisprudencën, historinë politike dhe kushtetuese dhe studime të tjera, nga një sërë fushash të ndryshme. Për punën dhe arritjet e tij shkencore, më 28 qershor 2006, Universiteti i Tiranës, e lauron Fatmir Sejdiun, me çmimi "Doctor Honoris Causa". Ky vlerësim erdhi si rezultat i veptimtarisë së tij të rëndsishme dhe angazhimit të tij profesional, intelektual dhe politik, si dhe për përkushtimin e tij në përcimin e këtyre vlerave tëk brezi i ri, në rolin e tij si mësimdhënës në Fakultetin Juridik dhe në atë të Shkencave Politike, në Universitetin e Prishtinës. Dr. Sejdiu është njëri prej pjesëmarësve në Kuvendin themelues të Lidhjes Demokratike të Kosovës (LDK) më 23 Dhjetor 1989. Ai është zgjedhur anëtar i Këshillit të Përgjithshëm dhe më 1992 anëtar i Kryesisë së LDK së, ndërsa më 1994, u zgjodh Sekretar i Përgjithshëm i LDK së. Për largpamësinë e tij në fushën e politikës, fitoi votëbesimin e zgjedhësve, si deputet në Kuvendin e Republikës së Kosovës, në dy edicione, më 1992 dhe 1998. Po kështu, më 1998, u zgjodh Sekretar i Përgjithshëm i Kuvendit dhe Kryetar i Komisionit për Çështje Kushtetuese. Më 2001, në zgjedhjet e para demokratike të pasluftës, u rivotua deputet në Kuvendin e Kosovës dhe u zgjodh anëtar i Kryesisë së Kuvendit, post në të cilin u rizgjodh sërish më 2004. Në të njejtën kohë, ka qenë anëtar i Komisionit për Bashkëpunim Ndërkombëtar dhe Integrim Euro atlantik dhe i Komisionit për Çështje Gjyqësore, Legjislacion dhe Kornizë Kushtetuese. Për të patur sukses në të gjitha këto detyra, tepër të rëndësishme, kombëtare dhe ndërkombëtare, i ndihmoi dhe aftësia e tij për të komunikuar rrjedhshëm, në gjuhët frëngjisht dhe anglisht. Dr. Fatmir Sejdiu u zgjodh President i Kosovës, menjëherë pasi ndërroi jetë ish Presidenti i Kosovës, i ndjeri Ibrahim Rugova, në Shkurt 2006, detyrë në të cilën u rizgjodh për një mandat të dytë, më 9 Janar 2008. Dr. Fatimir Sejdiu vazhdon me vendosmëri të pashembullt, aktivitetet e tij të pandara për rritjen e vlerave qytetare të Kosovës dhe mirëqenien e popullit të saj, në mbrojtje të të drejtave ligjore. E gjithë veprimtaria e tij ka dhënë efekt të frytshëm, për të çuar Kosovën përpara dhe për t'a ngjitur atë në shkallët më të larta të shkëlqimit, të një shteti të integruar bashkëkohor".